Bıyl BQO-da 28,2 myń jumys orny qurylady
«Óńirdiń damýyna úlken serpin beretin kelesi baǵyttardyń biri –mal sharýashylyǵy. Oblysta jyl saıyn turǵyndardyń qajettiliginen 2 esege artyq et óndiriledi. Sonymen qatar kórshi Mańǵystaý, Atyraý, Aqtóbe jáne basqa da oblystardy etpen qamtamasyz etip otyrmyz. Qus etine keler bolsaq, qazirgi tańda oblysty qus etimen qamtý 66 paıyzdy quraıdy. Osy kórsetkishti jaqsartý maqsatynda, jylyna 7,2 myń tonna qus etin óndiretin zaýyt qýattylyǵyn 12 myń tonnaǵa deıin ulǵaıtyp jatyrmyz», - dedi oblys basshysy.
Onyń atap ótýinshe, Memleket basshysynyń aýyldy damytý, aýyl turǵyndarynyń tabystaryn arttyrý boıynsha bergen tapsyrmany oryndaý maqsatynda óńirde «Aýyl amanaty» jobasyn iske asyrý bastaldy. Bıyl respýblıkalyq bıýdjetten 6,4 mlrd teńge bólindi. Osy qarjyǵa 742 mıkrokredıt berilip, 787 jumys orny qurylatyn bolady. Oblys aýmaǵynda 235 aýyl sharýashylyǵy kooperatıvi jumys jasap tur. Osyǵan qosymsha «Aýyl amanaty» baǵdarlamasy aıasynda 60 aýyl sharýashylyǵy kooperatıvi qurylady.
«Qazirgi tańda óńirde 17,3 myń jumyssyz adam tirkelip, jumyssyzdyq deńgeıi 5,0 paıyzdy qurap otyr. Sonyń ishinde jastar arasyndaǵy jumyssyzdyq 4 paıyz bolsa, NEET sanatyndaǵy jastar 4,9 paıyzdy qurap otyr. Búginde «Aqjaiyq» áleýmettik-kásipkerlik korporatsııasy nesıe berý jumystaryn bastady. Qazirdiń ózinde 1,5 mlrd teńgege ótinish qabyldanyp, nesıe berý bastaldy. Odan bólek, jastardy qoldaý maqsatynda 238 adamǵa 5 mln teńgege deıingi mólsherde jalpy somasy 1,2 mlrd teńgege jeńildetilgen nesıe beremiz. Sonymen qatar «2021-2025 jyldarǵa arnalǵan kásipkerlikti damytý» Ulttyq jobasy aıasynda bıyl 405 adamǵa 1,4 mln teńge mólsherinde jalpy somasy 570 mln teńgege jańa bıznes-ıdeıalardy iske asyrýǵa memlekettik grant beriledi. Qazirgi tańda oblys deńgeıinde jumyspen qamtý organdary arqyly 10 myńnan astam adam jumysqa ornalasty, onyń ishinde 4 myńǵa jýyǵy – jastar. Memlekettik baǵdarlamalar jáne Óńirlik jumyspen qamtý kartasy arqyly óńirimizde 28,2 myń jumys oryndaryn quramyz», - dedi Narıman Tóreǵalıev.