Bıyl bes óńirde paıdalanýǵa berilgen baspana kólemi azaıǵan

ASTANA. QazAqparat - Paıdalanýǵa berilgen turǵyn úılerdiń ósimi boıynsha Túrkistan oblysy kósh bastap tur, dep habarlaıdy QazAqparat.

Ulttyq statıstıka bıýrosynyń málimetinshe, bıylǵy jyldyń 10 aıynda paıdalanýǵa berilgen jańa nysandardyń jalpy aýdany 13 930,4 myń sharshy metrdi quraǵan.

Onyń 90,6 paıyzy – turǵyn úıler.

2021 jylǵy qańtar-qazanmen salystyrǵanda paıdalanýǵa berilgen turǵyn úıdiń jalpy aýdany 1,1% ulǵaıyp, 11 724,8 myń sharshy metr boldy.

Onyń ishinde:

6 355,8 myń sharshy metr – kóppáterli úıler

5 310,9 myń sharshy metr – jeke úıler

52 499 sharshy metr – jataqhanalar.

Turǵyn úıdi paıdalanýǵa berý ósimi respýblıkanyń on bes óńirinde baıqaldy. Ósý qarqyny boıynsha Túrkistan oblysy kósh bastap tur (43%).

Odan keıin Aqmola (11,8%), Almaty (10,9%), Shyǵys Qazaqstan oblystary (8,4%) jáne Shymkent (26,2%) pen Almaty (8,6%-ǵa) qalalary.

Bul rette berilgen turǵyn úılerdiń azaıýy Ulytaý (39,6% ), Abaı (11%), Mańǵystaý (15,7%), Atyraý (11,3%) oblystarynda jáne Astana qalasynda (13,4%) baıqaldy.