Bıyl Batys Qazaqstan oblysynda 18 mektep paıdalanýǵa beriledi
«Qazirgi tańda oblysta 12 apatty, 9 úsh aýysymdy mektep bar. Jyldar boıy qordalanǵan máseleni sheshý maqsatynda bıyl 27 mekteptiń qurylysyn josparladyq. Búginde 23 mekteptiń qurylysyn bastap kettik. Jyl sońyna deıin 18 mektepti paıdalanýǵa berýdi josparlap otyrmyz. Oqý-aǵartý mınıstrliginiń qoldaýymen oqýshylardy tasymaldaý úshin 54 avtobýs satyp alyndy. Óńirimizde 3 pen 6 jas aralyǵyndaǵy balalarymyzdy mektepke deıingi bilimmen qamtamasyz etý 100 paıyzdy qamtıdy. Búginde 1-den 6 jasqa deıingi balalardy balabaqshamen qamtý 84,3 paıyzǵa jetti. Osy kórsetkishti 2025 jylǵa deıin 100%-ǵa jetkizýdi kózdep otyrmyz», - óńir basshysy.
Óńir oqýshylarynyń jetistikterine toqtalǵan Narıman Tóreǵalıevtiń dereginshe, 25 oqýshy respýblıkalyq olımpıadalarda júldeli oryn alsa, 9 mektep elimizdiń «100 úzdik mektepteri» qataryna engen. Sondaı-aq, álemniń 57 memleketi qatysqan zertteý nátıjeleri boıynsha oblystyń bastaýysh synyp oqýshylary PIRLS-2021 halyqaralyq reıtıngisinde respýblıka kóleminde birinshi orynǵa ıe boldy.
«Memleket basshysynyń tapsyrmasyna sáıkes, oblystaǵy 12 aýdannyń 10 aýdanynda dene shynyqtyrý-saýyqtyrý keshenderi salyndy. 2024 jylydń sońyna deıin barlyq aýdan ortalyqtaryn dene shynyqtyrý-saýyqtyrý keshenderimen qamtamasyz etemiz. Bıyl M. Ótemisov atyndaǵy Batys Qazaqstan ýnıversıtetiniń stýdentterine arnalǵan 500 oryndyq jataqhana qurylysy aıaqtalady. Sonymen qatar, óńirde ártúrli saladaǵy maman tapshylyǵyn sheshý maqsatynda ótken jyly oblys bıýdjet esebinen 113 grant bólinip, túlekterdiń joǵary bilim alýyna sertıfıkattar tabystaldy», - dedi Narıman Tóreǵalıev.