Bıyl «Batys Eýropa - Batys Qytaı» avtomagıstraliniń 806 shaqyrymy paıdalanýǵa beriledi - A.Jumaǵalıev

ASTANA. 21 qazan. QazAqparat - Aǵymdaǵy jyldyń sońyna deıin «Batys Eýropa - Batys Qytaı» avtomagıstraliniń 806 shaqyrymy paıdalanýǵa beriledi. Bul týraly búgin QR Prezıdenti janyndaǵy Ortalyq kommýnıkatsııalar qyzmetinde ótken brıfıngte Kólik jáne kommýnıkatsııa mınıstri Asqar Jumaǵalıev málim etti.

«Batys Eýropa - Batys Qytaı» jobasy qazirgi bańda Memleket basshysynyń baqylaýynda tur. Osy jyly 806 shaqyrym ýchaskede jumystar aıaqtalady dep boljanýda. Biz qazirdiń ózinde 710 shaqyrymdy paıdalanýǵa berýge daıyndadyq. Al qalǵan birneshe shaqyrym joldy jyl sońyna deıin aıaqtaıtyndyǵymyzǵa senimdimiz», - dedi A.Jumaǵalıev.

Mınıstrdiń málimetine qaraǵanda, magıstraldiń qazaqstandyq bóligi 6 jyl boıy salynýda. Jalpy uzyndyǵy 2787 shaqyrymdy quraıdy. Bul megajoba qurylysynda shamamen 35 myń adam, 4,5 myń tehnıka jumys isteýde.