Bıyl «Batys Eýropa – Batys Qytaı» avtomagıstraline rekonstrýktsııa júrgiziledi

NUR-SULTAN. QazAqparat - Bıyl Túrkistan oblysynda respýblıkalyq jáne jergilikti mańyzy bar avtomobıl joldaryn salý, rekonstrýktsııalaý, kúrdeli jáne ortasha jóndeý boıynsha birqatar jol jobalaryn iske asyrý josparlanyp otyr.

Bul týraly QR Indýstrııa jáne ınfraqurylymdyq damý mınıstrliginiń Telegram kanalynan málim boldy, dep habarlaıdy QazAqparat.

Atap aıtsaq, jolshylar «Batys Eýropa – Batys Qytaı» halyqaralyq tranzıttik dálizine rekonstrýktsııa júrgizbek. Budan bólek, «Almaty - Tashkent - Termez» tas jolynda úsh jaıaý júrginshiler ótkeli turǵyzylyp, «Shymkenttiń soltústik aınalma jolynyń» 2231 + 674 km jáne «RF shekarasy (Samaraǵa) - Shymkent, Oral, Aqtóbe, Qyzylorda arqyly» jolynyń 2135- 2183 km ýchaskesin ortasha jóndeýden ótkizý kózdelgen.

Sonymen qatar, óńirde oblystyq jáne aýdandyq mańyzy bar joldardy jańartý josparlanyp otyr. Kúrdeli jóndeý jumystarymen kelesideı avtomobıl joldary qamtylady: Shardara aýdanyndaǵy «Ózbekstan Respýblıkasy shekarasy-Shardara-Arys-Temirlan-M-32 respýblıkalyq jolynyń» 70-111 km jáne «Oblys shekarasy-Jambyl-Qumkent-Sholaqqorǵan- R-31 respýblıkalyq joly» 279-312,1 km. Sondaı-aq, 2021 jyly «KH-15-Elshibek batyr» 0-3 km, «KH-15-Qaraqum» 0-1 km, «M-32-Qyzyljar 0-6 km, «KH-63-Yqylastemir» 0-4,5 km, «M-32-Shubarsý» 0-6,6 km, «Shubarsý-Shubarsý-2» 0-5,6 km, «Qaraspan-Juldyz» 0-1,6 km jol ýchaskelerinde ortasha jóndeý júrgiziletin bolady.

Aıta keteıik, óńirdegi avtomobıl joldary jelisiniń uzyndyǵy 6 692 shaqyrymdy quraıdy. Onyń 740 km – respýblıkalyq jáne 5952 km – jergilikti mańyzy bar joldar.