Bıyl «Batys Eýropa-Batys Qytaı» avtodáliziniń 806 shaqyrymy ashylady - QR Premer-Mınıstri

ASTANA. 11 qazan. QazAqparat - «Bıznestiń jol kartasy 2020» baǵdarlamasyn júzege asyrý jalǵasyp keledi. Jyl basynan beri 752 joba maquldanyp, 40 myńnan astam jumys orny quryldy.

Búgin Aqordada QR Prezıdenti N. Nazarbaevtyń qatysýymen ótip jatqan elimizdiń ótken 9 aıdaǵy áleýmettik ekonomıkalyq damýy jáne Úkimet jumysynyń negizgi nátıjeleri týraly jıynda QR Premer- Mınıstri Serik Ahmetov osylaı málim etti.

Úkimet basshysynyń aıtýynsha, bızneske qatysty ruqsat berý júıesin jetildirý jumystary da belsendi júzege asýda. Atap aıtqanda, búgingi kúni bızneske qatysty barlyq lıtsenzııalardy berý avtomattandyrylǵan júıege kóshse, kelesi jyldan bastap ruqsattyń barlyq túri osyndaı júıemen jumys jasaıtyn bolady. «Úkimet iri aýqymdaǵy ınfraqurylymdardy júzege asyrý jobalaryn jalǵastyryp keledi. «Jezqazǵan-Beıneý», «Arqalyq-Shubarkól» jańa temirjol jelilerin salý da belsendi túrde jalǵasýda. «Batys Eýropa-Batys Qytaı» avtokólik dáliziniń qurylysy júrip jatyr. Aǵymdaǵy jyly munyń qosymsha 806 shaqyrymyn ashý kózdelip otyr. «Astana-Qaraǵandy- Almaty», «Astana-Pavlodar-Óskemen», «Astana-Aqtaý» jáne «Almaty-Óskemen» avtojoldarynyń qurylystaryn salý bastaldy. Halyqaralyq Aqtaý teńiz portyn keńeıtý jumystary da júzege asýda», dedi Úkimet basshysy.