Bıyl bastaýysh synyp oqýshylary túgel tegin tamaqtanady
Oqý-aǵartý mınıstrliginiń málimetine súıensek, 1 qyrkúıekten bastap 7 700 bilim berý uıymynda 3 mln 900 myń bala bilim alady, olardyń 382 myńy mektep tabaldyryǵyn alǵash attaıdy.
Qazaqstan mektepterinde 340 676 pedagog jumys isteıdi. Onyń ishinde eńbek ótili 10 jylǵa tolmaǵan 147 402 muǵalim, 20 jylǵa jýyqtaǵan 88 393, 20 jyldan asqan 104 881 pedagog bar.
Jyl saıyn áleýmettik osal sanattaǵy otbasylarǵa kómek kórsetiledi. Bıyl 460 myń bala úshin 65,8 mlrd teńge qarastyrylǵan. Bul turǵyda óńirler arasynda Mańǵystaý oblysynyń kórsetkishi (62%) mardymsyz kórinedi.
Prezıdenttiń 1-4 synyp oqýshylaryn tegin tamaqpen qamtamasyz etý týraly tapsyrmasy bıylǵy oqý jylynda tolyqqandy oryndalmaq. Óńir ákimdikteri oǵan qajetti qarjyny bólip qoıǵan. Sonyń nátıjesinde 1 qyrkúıekten bastap 1 mln 400 myń bastaýysh synyp oqýshysy tegin tamaqtanady.