Bıyl Balqash qalasynda 24 aýla jóndeledi
Ýálıhanov kóshesinde úılerdiń qasbeti men shatyryn jóndeý jumystary bastaldy. Baǵdarlamaǵa bes kópqabatty turǵyn úı engizildi. Jumys keste boıynsha júrip jatyr, tamyz aıynda aıaqtalady dep josparlanýda.
Balqash qalasynda bıyl 24 shaqyrymnan astam avtojolǵa ortasha jóndeý júrgiziledi. Ótken jylmen salystyrǵanda jol jóndeý jumystary alty ese artty. Atqarylǵan jumys sapasyna «Qaraǵandy oblysy boıynsha ulttyq aktıvter ortalyǵy» RMK mamandary baqylaý júrgizedi.
Qalalyq demalys aımaǵyna baratyn joldar retke keltirilip jatyr. Jazǵy maýsymǵa deıin Shubar-Túbek eldi mekenindegi jol jaqsardy. Jańa asfalt tóselip, jaıaý júrginshiler aımaǵy jasaldy.
Qalada aýla abattandyrý da jalǵasýda. Bıyl 24 aýlada jóndeý jumystary josparlanǵan. Aýlalarda asfalt tóselip, eski jaryqtandyrý tirekteri aýystyrylady. Turǵyndardyń ótinishi boıynsha balalardyń oıyn keshenderi ornatylady.
Balqash stansasynyń Stepnoı kóshesinde jaryq shamdary paıda boldy. Munda 40 jaryqtandyrý tiregi men 23 sham ornatyldy. Merdiger jumysty 5 kún ishinde oryndady. Turǵyndar osyǵan deıin kóshege kireberistiń aýmaǵyn qosymsha jaryqtandyrýdy ótingen bolatyn. Sonymen qatar, qalalyq bılik balalar alańyn abattandyrýǵa ýáde berdi.
Balqash qalasynyń 18 mektebi men balabaqshalaryna jóndeý jumystaryn júrgizý josparlanǵan. Jumys tolyq júrip jatyr. Bilim mekemelerinde jylý jáne elektrmen qamtamasyz etý júıeleri aýystyrylyp, tereze men qasbet jańartylady. Karantın kezinde mektepter qashyqtan oqytýǵa kóship, al balabaqshalar jabylǵandyqtan, bıyl jóndeý jumystary meziminen buryn bastaldy. Maýsymnyń sońyna deıin barlyq nysandaǵy jumysty aıaqtaý josparlanyp otyr.
Sondaı-aq, qala syrtyndaǵy «Jas qanat» saýyqtyrý lageriniń kúrdeli jóndeý jumystary aıaqtalýǵa jaqyn. Balalardyń demalýyna qolaıly jaǵdaı jasalady.
«Jumyspen qamtýdyń jol kartasy» baǵdarlamasyn júzege asyrý jańa jumys oryndaryn qamtamasyz etedi. Jumyspen qamtý ortalyqtary arqyly nysandarǵa jumyssyz júrgen azamattardy jumyldyrady.