Bıyl balalarǵa arnalǵan 1 691 nysan ashyldy – vıtse-mınıstr

ASTANA. QazAqparat – Balalarǵa arnalǵan ınfraqurylymdy damytý maqsatynda bıyl elimizde 1 691 nysan ashyldy. Bul týraly BAQ ókilderiniń qatysýymen ótken brıfıngte Oqý-aǵartý vıtse-mınıstri Ǵanı Beısembaev aıtty, dep habarlaıdy QazAqparat tilshisi.

«Balalar ınfraqurylymyn jaqsartý, aýla alańdaryn damytý jáne jańa zamanaýı nysandar salý, olardyń ál-aýqatyn arttyrý baǵytynda bıyl elimizde 1 691 nysan ashyldy. Onyń ishinde 38,9 myń orynǵa 458 mektepke deıingi uıym ashylsa, jyl basynan beri 153 myń oqýshy ornyna arnalǵan 254 jańa mektep paıdalanýǵa berildi. Memleket basshysynyń tapsyrmasymen 2023-2025 jyldary mektepke deıingi uıymdarda 222 myńnan astam jańa oryn ashý josparlansa, 2023 jyly 81 myń oryndyq mektep ashý qarastyrylǵan», - dep málim etti Ǵanı Beısembaev.

Onyń aıtýynsha, keler jyldan bastap zamanaýı 100 oqýshylar saraıy, mýzyka jáne óner mektepteri, oqýshylar úıleri men qala syrtyndaǵy 50 jańa saýyqtyrý lagerleriniń qurylysy bastalady.