Bıyl bala týý kórsetkishi boıynsha taǵy rekord tirkelýi múmkin - mınıstr

ASTANA. QazAqparat – Sońǵy úsh jylda Qazaqstanda 1,5 mıllıonǵa jýyq bala dúnıege keldi. Bul týraly Ǵylym jáne joǵary bilim mınıstri Saıasat Nurbek aıtty, dep habarlaıdy QazAqparat tilshisi.

«Qazirgi tańda Qazaqstan, jalpy Ortalyq Azııa elderi úlken demografııalyq ózgeristerdiń aldynda tur. Ol demografııalyq ózgeristerdi jarylys dep te aıtýǵa bolady. Tolqyn bastalyp ketti. Onyń ústine ekinshi tolqyn qosylyp jatyr. Ol – mıgratsııa tolqyny. Eki kún buryn BUU dúnıejúzindegi 8 mıllıardynshy turǵyn dúnıege kelgenin jarııa etti. 7 mıllıardtan 8 mıllıardqa sońǵy 12 jylda jetip otyrmyz. ıAǵnı, dúnıejúzinde halyq sany kúrt artýda», - dedi ol Otbasy, demografııa jáne genderlik saıasat máseleleri jónindegi halyqaralyq ǵylymı konferentsııa barysynda.

Onyń atap ótýinshe, bul tendentsııa elimizge de, aımaqqa da qatty áser etedi.

«Sońǵy úsh jylda Qazaqstanda 1,5 mıllıonǵa jýyq bala dúnıege keldi. Qýantatyn jaıt, shúkir etýimiz kerek. Osy jyldyń qorytyndysynda 500 myń bala dúnıege keledi degen boljam bar. Byltyr 456 myń bala, aldyńǵy jyly 426 myń bala dúnıege keldi. Bul 3 jyl qatarynan demografııalyq rekord sanalady. Sońǵy ret mundaı rekord 1987 jyly tirkelip, 417 myń sábı dúnıe esigin ashqan edi», - dedi Saıasat Nurbek.