Bıyl azyq-túlik taýarlaryn shyǵaratyn 33 ınvestıtsııalyq joba iske qosylady
«Jalpy 2022 jylǵa 33 ınvestıtsııalyq jobany iske asyrý josparlanǵan. Onyń ishinde: 7 et kombınaty, 10 sút óńdeý zaýyty, 10 qus fabrıkasyn salý jáne keńeıtý boıynsha joba jáne 165 myń gektar alańda 6 baqsha salý. Bul jobalar respýblıkanyń 13 óńirinde jalpy somasy 38 mlrd teńgege iske asyrylady. Nátıjesinde 1,7 myńnan astam jumys ornyn qurý josparlanǵan», - dedi mınıstr.
Onyń dereginshe, iri nysandardyń qatarynda Almaty jáne Qaraǵandy oblystaryndaǵy jalpy somasy 7 mlrd teńgeni quraıtyn sút ónimderin óndirýge baǵyttalǵan 2 joba bar. Jobalar iske asqanda 110 jańa jumys orny ashylady.
«Importty almastyrý jónindegi is-sharalar aıasynda mynadaı júıeli sharalar qabyldanatyn bolady: 23,6 mlrd teńge somasyna jobalardy qarjylandyrý; ınfraqurylymdy damytý; 6 mlrd teńge kóleminde ınvestıtsııalyq salymdardy sýbsıdııalaý; ónim sapasyn baqylaýdy kúsheıtý», - dedi Erbol Qarashókeev.