Bıyl avtomektepter 441 mln teńgege qyzmet kórsetti

ASTANA. QazAqparat - Jyl basynan beri júrgizýshilerdi daıarlaý mektepteri kórsetken qyzmetterdiń kólemi 441,3 mln teńgeni qurady, bul ótken jyldyń sáıkes kezeńimen salystyrǵanda 14,3% artyq, dep habarlaıdy QazAqparat.

Ulttyq statıstıka bıýrosy munyń ishinde bıýdjet esebinen 27,3 mln teńge, kásiporyndar esebinen – 44,9 mln teńge, halyq qarajaty esebinen – 369 mln teńgege qyzmet kórsetilgenin málimdedi.

«Qyzmetterdiń eń kóp kólemin Batys Qazaqstan oblysynyń avtomektepteri kórsetken – 64,5 mln teńgege, odan keıin Qaraǵandy jáne Aqtóbe oblystary, sáıkesinshe 55,2 mln jáne 46,8 mln teńgeden. Kólik júrgizýshilerin oqytý boıynsha qyzmettiń eń az kólemi Shymkent qalasynda – 3,4 mln teńgege», - dep jazdy vedomstvodan.