Bıyl aýyldarda 4 mln sharshy metr turǵyn úı salynady – Beıbit Atamqulov

NUR-SULTAN. QazAqparat – Bıyl aýyldyq eldi mekenderde 4 mln sharshy metr turǵyn úı salynady. Bul týraly Úkimet otyrysynda QR Indýstrııa jáne ınfraqurylymdyq damý mınıstri Beıbit Atamqulov málim etti, dep habarlaıdy QazAqparat tilshisi.

«Aýyldyq eldi mekenderde turatyn halyqtyń ómir súrý sapasyn jaqsartý - memlekettiń negizgi mindetteriniń biri. Búgingi tańda aýyldyq jerlerdegi turǵyn úı qory - 1,8 mln turǵyn úı. Bul jalpy qordyń - 33,3 paıyzy. «Nur Otan» partııasynyń saılaýaldy baǵdarlamasyn oryndaý maqsatynda 2025 jylǵa deıin 103 mln sharshy metr baspana salý josparlanǵan. Onyń ishinde aýyldyq eldi mekenderde 24 mln sharshy metr úı salynady», - dedi ol.

Mınıstrdiń dereginshe, bıyl respýblıka boıynsha 17 mln sharshy metr turǵyn úıdi paıdalanýǵa berý josparlanǵan, Onyń 4 mln sharshy metri aýyldyq eldi mekenderde boı kóteredi. Memlekettik bıýdjet esebinen 160 myń sharshy metr jalǵa beriletin baspana (2 myń turǵyn úı) salynady.

«2025 jylǵa deıin 235 myń jer ýchaskesin, onyń ishinde aýyldyq jerlerde 110 myń jer ýchaskesin qajetti ınfraqurylymmen qamtamasyz etý josparlanýda. ıAǵnı, jyl saıyn - 47 myń jer ýchaskesi, onyń ishinde aýyldyq jerlerde - 22 myń jer ýchaskesi. Bıyl aýyldyq eldi mekenderde 23,6 mlrd teńgege 22,7 myń jer ýchaskesi ınjenerlik jelilermen qamtamasyz etiledi», - dedi Beıbit Atamqulov.