Bıyl aýyl turǵyndarynyń 87 paıyzdan astamy sýmen qamtamasyz etilmek
«Halyqty sapaly aýyz sýmen jáne sý burý qyzmetterimen qamtamasyz etý jónindegi jumystardy jalǵastyrý maqsatynda 2020-2025 jyldarǵa arnalǵan «Nurly jer» memlekettik baǵdarlamasy aıasynda bıyl respýblıkalyq bıýdjetten 111,5 mlrd teńge qarastyrylyp otyr. Ol qarajatqa 316 joba iske asyrylady. Nátıjesinde, qalalarda halyqty aýyz sýmen qamtamasyz etý kórsetkishi 97,5 paıyzǵa jetkiziledi. Bul turǵyda 10 mln-nan astam adam qamtylady. Al aýyldyq jerlerde atalǵan kórsetkish 87,7 paıyzǵa deıin jetip, 6,84 mln adamdy qamtıdy», - delingen QR IIDM málimetinde.
Sonymen qatar, qalalarda aǵyndy sýlardy tazartýmen qamtý 74,9 paıyzdy quraıdy.
Esterińizge sala keteıik, ótken jyly bul baǵytta 404 joba júzege asyrylyp, 4078 aýyl sýmen qamtyldy. Qazirgi ýaqytta el boıynsha aýyz sýǵa qoljetimdilik kórsetkishi - 92,6 paıyz.