Bıyl aýyl sharýashylyǵy ónimin óndirýshilerge dızel qandaı baǵamen beriledi
«Bıyl Energetıka mınıstrligimen kelisim boıynsha egis jumystaryn júrgizýge aqpan-maýsym aılarynda shamamen 387 myń tonna dızel otyny bólindi. Aýa raıynyń kúrdeli jaǵdaılaryn eskere otyryp, oblystardyń ótinimi boıynsha qosymsha 10 myń tonna bólinip otyr. Bul barlyq óńirlerdiń dızel otynyna qajettiligin tolyq qanaǵattandyrýǵa múmkindik beredi», - dedi Aıdarbek Saparov aýyl sharýashylyǵy mınıstrliginde ótken alqa májilisinde.
Vıtse-mınıstr bul rette respýblıka agrarshylaryna energetıka mınıstrligi qoldaý kórsetip otyrǵanyn jetkizdi.
«Qazir keste Aýyl sharýashylyǵy mınıstrligi jáne Energetıka mınıstrligimen kelisilip, jumys isteý úshin óńirlerge jiberildi. Bıyl aýyl sharýashylyǵy ónimin óndirýshiler úshin dızel otynynyń baǵasy lıtrine - 177 teńge (JQS-da lıtri - 195 teńge) bolady. Bul naryqtaǵy baǵadan 10 paıyz arzan», - dedi ol.