Bıyl Atyraý oblysynda 12 myńnan astam adam jumystan bosatylady
«Atyraý oblysynda jumyssyzdyq 4,9 paıyzdy quraıdy. Bıyl 11 mynan astam jumys orny ashyldy. Onyń ishinde 6 mynan astamy – turaqty jumys orny. Bizde úlken ınvestıtsııalyq jobalardyń iske asyrylýy aıaqtalyp keledi. Jumystardyń aıaqtalýyna baılanysty turǵyndarymyz ol jobalardan bosatylyp jatyr. Olardy jumysqa ornalastyrýymyz kerek. Bıyldyń ózinde 12 myńnan astam azamatymyz jumystan bosatylýy kerek. Qazir 2 700-i jumystan shyqty. Olardyń 1 237-si áleýmettik is-sharalarmen qamtydyq», - dedi oblys basshysy búgin Ortalyq kommýnkatsııalar qyzmetindegi baspasóz máslıhatynda.
Onyń atap ótýinshe, bıyl ulttyq jobalar aıasynda 6 myńǵa jýyq jańa jumys orny qurylady.
«Aldaǵy 5 jylda iri ınvestıtsııalyq jobalarda 16 myńǵa jýyq jańa jumys orny ashylady. Onyń 13 myńy qurylys kezinde, qalǵan 3 myńǵa jýyǵy turaqty jumys oryndary bolady», - dedi Serik Shápkenov.