Bıyl Atyraý oblysyǵyna 200-ge jýyq etnıkalyq qazaq kóship keldi

ATYRAÝ. QazAqparat – Atyraý oblysyna bıylǵy jeti aıda shetelden 182 etnıkalyq qazaq kóship keldi, dep habarlaıdy QazAqparat.

Oblystyq jumyspen qamtýdy úılestirý jáne áleýmettik baǵdarlamalar basqarmasynyń mamandary málim etkendeı, shetelden kóship kelgen 123 otbasynyń quramynda 182 qandas bar.

«Qazaqstan Respýblıkasyna turaqty turý maqsatynda kelgen etnıkalyq qazaqtar qandas mártebesin aldy. Onyń ishinde Ózbekstan Respýblıkasynan 114 otbasy (171 adam), Qytaı Halyq Respýblıkasynan 7 otbasy (9 adam) jáne Reseı Federatsııasynan 2 otbasy (2 adam) bar. Atyraý qalasyna 100 otbasy (147 adam), Jylyoı aýdanyna 20 otbasy (32 adam), al, Maqat aýdanyna 3 otbasy (3 adam) qonystanýdy uıǵardy» -deıdi basqarmanyń mamandary.

Eske sala ketelik, buǵan deıin Atyraýǵa shetelden 133 qandasymyz kóship kelgen edi.