Bıyl Astananyń 2 myń turǵyny baspana sertıfıkatyn alady

ASTANA. QazAqparat - Bıyl elordada áleýmettik sala qyzmetkerlerine 2 myń turǵyn úı sertıfıkaty beriledi. Bul týraly búgin qala halqynyń aldynda esep berip jatqan Astana ákimi Baqyt Sultanov aıtty, dep habarlaıdy QazAqparat tilshisi.

«Elimiz boıynsha jańa úılerdi kóp salyp, paıdalanýǵa berip jatyrmyz. Ótken jyly 2,3 mln sharshy metr turǵyn úı, ıaǵnı 23 myń páter salyndy. «Nurly jol» sheńberinde de barlyq óńirlerdiń aldyndamyz. 110 myń sharshy metr - bul 1419 páter. Kópqabatty 15 úı salynyp jatyr. Bul, shamamen 4,5 myń páter, onyń 3106-sy aǵymdaǵy jyly paıdalanýǵa beriledi», - dedi ákim.

Onyń aıtýynsha, 228 apatty úı súrilip, shamamen 3,5 myń otbasy jańa páterge ıe boldy. Bul jumys aldaǵy ýaqytta jalǵasady.

«7-20-25» baǵdarlamasy boıynsha 1875 otbasy 27 mlrd teńge kredıt alady. Baǵdarlama munan ary da qoljetimdi bola túsýi úshin jańa jyldyń aldynda bilim, densaýlyq saqtaý jáne polıtsııa qyzmetkerlerine turǵyn úı sertıfıkaty túrinde 1 mıllıon teńgeden 100 sýbsıdııa berdik. Aǵymdaǵy jyly taǵy 2 myń sertıfıkat berýdi josparlap otyrmyz», - dedi B.Sultanov.