Bıyl Astanaǵa 1 mlrd dollardan astam shetel ınvestıtsııasy tartyldy

ASTANA. QazAqparat – 2022 jyldyń 6 aıynda elordaǵa 1 mlrd dollardan astam shetel ınvestıtsııasy tartyldy. Bul týraly elorda ákiminiń orynbasary Erlan Bekmyrzaev aıtty, dep habarlaıdy QazAqparat tilshisi.

«Jyl basynan beri biz 1,2 trln teńge ınvestıtsııa tarttyq. Eger ınvestıtsııalyq salymdardyń qurylymyna qaraıtyn bolsaq, onyń 53 paıyzy nemese 632,9 mlrd teńgesi qurylys-montajdaý jumystaryna, 9 paıyzy nemese 109,2 mlrt teńgesi kólik jáne qoımalaý salasyna, 6 paıyzy nemese 76,1 mlrd teńgesi ónerkásip úlesine tıesili», - dedi ol ákimdiktiń baspasóz qyzmeti alańynda ótken brıfıngte.

Onyń atap ótýinshe, búginde Astana turǵyn úı qurylysyna jáne shıkizattyq emes sektorǵa jáne negizgi kapıtalǵa salynǵan ınvestıtsııalar kólemi boıynsha alǵashqy úshtikke kirip otyr.

«Tikeleı shetel ınvestıtsııasyna keler bolsa, osy jyldyń birinshi jartyjyldyǵynda 1 mlrd dollardan astam ınvestıtsııa tartyldy», - dedi qala ákiminiń orynbasary.