Bıyl Astanada memlekettik baǵdarlama boıynsha baspanalar kezekke 2003-2004 jyldary turǵandarǵa beriledi - I.Tasmaǵambetov

ASTANA. 7 aqpan. QazAqparat - 2012 jyly memlekettik turǵyn úı qorynan baspanamen 2003-2004 jyldary kezekke turǵandardy qamtamasyz etý josparlanýda.

Bul týraly óziniń jeke blogynda turǵyndardyń saýalyna jaýap bergen qala ákimi Imanǵalı Tasmaǵambetov málim etti.

Qala basshysynyń aıtýynsha, búginde elordada turǵyn úı kezeginde 21 300-den astam adam tur. Olardyń birneshe myńy baspanaǵa muqtaj retinde kezekke taıaýda ǵana turǵan - zeınetkerler. Al bul sanattaǵy azamattar úshin turǵyn úı zańnamasy áleýmettik az qamtamasyz etilgender retinde turǵyn úı jeńildigin qarastyrady. Olardyń keıbiriniń kezinde turǵyn jaıy bolǵan. Biraq jekeshelendirý jyldary olar balalarynyń attaryna jazylǵan. Zeınetkerler bolsa kezekke qaıta turýǵa quqyly.

«Kezekte turǵandar kezeń-kezeńimen baspanamen qamtamasyz etilip otyratyn bolady», - dep atap ótti I.Tasmaǵambetov.