Bıyl Astanada Ańsaǵan sábı baǵdarlamasy sheńberinde 514 kvota bólingen
«Ekstrakorporaldyq uryqtandyrý emsharalary quny qymbat joǵary tehnologııalyq medıtsınalyq qyzmetterge jatady. Buǵan deıin ol tegin medıtsınalyq kómektiń kepildik berilgen kólemi sheńberinde júrgizildi. Alaıda, qarjylandyrý kólemi az boldy, jylyna shamamen 900-1000 kvota bólindi. 2021 jyldan bastap Prezıdent Qasym-Jomart Toqaevtyń tapsyrmasy boıynsha Qazaqstanda «Ańsaǵan sábı» baǵdarlamasy júzege asyrylýda. Bul kvota sanyn 7 esege – jylyna 7 000-ǵa deıin arttyrýǵa múmkindik berdi. Emshara MÁMS júıesindegi medıtsınalyq qyzmetter tizbesine kiredi, sondyqtan saqtandyrylǵan patsıentter ony tegin paıdalana alady. «Ańsaǵan sábı» baǵdarlamasy boıynsha bıyl Astana qalasynda ekstrakorporaldyq uryqtandyrýǵa 514 kvota bólindi. Óńirdiń 2 medıtsınalyq uıymyna joǵary tehnologııalyq medıtsınalyq kómek lotynda EKU-ǵa 1 773,8 mlrd teńge josparlanǵan» - dep atap ótti Nurlybek Qabdyqaparov.
Sonymen qatar, fılıal dırektory MÁMS júıesinde elordalyqtardyń 82 paıyzy saqtandyrylǵanyn atap ótti. Buǵan qosa, bıylǵy on aıda 187 myńnan bas shahardyń turǵynyna 13 mlrd teńgeniń dári-dármegi tegin berilgen.