Bıyl Astanada 12 nysan jekeshelendiriledi

ASTANA. QazAqparat - 2016-2020 jyldarǵa arnalǵan Keshendi josparǵa sáıkes, bıyl elordada 12 nysan jekeshelendiriledi, dep habarlaıdy QazAqparat Astana qalasy ákimdiginiń baspasóz qyzmetine silteme jasap.

Búgingi kúni 3 zańdy tulǵaǵa qatysty belgilengen tártippen baǵany tómendetý boıynsha saýda-sattyqtyń 2-shi kezeńi ótkizildi. Atqarylǵan jumystar nátıjesinde, «Astana Tazartý» JShS (65 933 542 teńgege satyldy) men «Astana-Mıllenıým KZ» JShS (34 245 358 teńgege satyldy) baǵasy baǵalanǵan qunnan 49 paıyzǵa tómendetildi. «Aqmola-Dıirmen» JShS boıynsha qatysýshylardyń bolmaýynan aýktsıon ótken joq.

Elorda ákiminiń orynbasary Andreı Lýkınniń tóraǵalyǵymen ótken Astana qalasynyń memlekettik kommýnaldyq múlkin jekeshelendirý máseleleri jónindegi komıssııanyń otyrys qorytyndysy boıynsha, 6 zańdy tulǵaǵa qatysty birqatar sheshimder qabyldandy. Osylaısha, «Kórkem - quıma kombınaty» ShJQ MKK men «ÝKTs «Stomatologııa» JShS-ny tender arqyly júzege asyrý sheshildi. 

«Astana qalalyq jaryq» JShS-nyń 1,6 mlrd teńge kóleminde nesıelik qaryzy bar. Osyǵan baılanysty Energetıka basqarmasy 5 shildege deıin jekeshelendirýdi ótkizý ádisi jóninde usynys jasaýy tıis. «Opera jáne balet teatry» JShS «Órken qala» JShS-ǵa qosylý arqyly qaıta qurylady. Óz kezeginde «Astana qala qurylysy monıtorıngi» JShS «Astanaqalalyqarhıtektýra» JShS-ǵa qosylady. «Astana» sporttyń oıyn túrleri klýby» MKQK-ǵa qatysty qalǵan aktıvterdi shyǵarý usynyldy.

Qalǵan úsh nysan - «Astana-Órnek» JShS, «Astana Eko-polıgon» MKK, «Arman» sporttyq-saýyqtyrý lageri» MKQK boıynsha ázirge baǵalaý jumystary júrip jatyr.