Bıyl Astana turǵyn úılerindegi 44 lıfttiń jaramdyq merzimi aıaqtalady - TJD

ASTANA. 11 qańtar. QazAqparat - Elorda turǵyn úılerindegi 55 jedel saty aýystyrýdy, al 24-i kúrdeli jóndeýdi qajetsinedi, dep habarlady Astana qalalyq tótenshe jaǵdaılar departamentiniń baspasóz qyzmetinen.

«Qazirgi kezde turǵyn úı sektorlaryndaǵy 55 lıft aýystyrýdy, al 24-i kúrdeli jóndeýdi nemese jańartýdy qajet etedi. Budan basqa normatıvtik qyzmet merzimi aıaqtalǵan jedel satylar sanynyń da artýy baıqalady», - delingen habarlamada.

Máselen, aǵymdaǵy jyly turǵyn úı sektorlarynda 44 jedel satynyń normatıvti qyzmet merzimi aıaqtalady. Al olardyń ary qaraı qoldanýǵa bolatyndyǵyn nemese aýystyrý kerektigin anyqtaý úshin tehnıkalyq dıagnostıka jasaý qajet.

Jalpy elordada jedel saty sany jyl saıyn kóbeıip keledi. Mysaly, 2006 jyly qańtar aıynda departamentte tirkelgen jedelsaty sany 727-i bolsa, búgingi kúni 3943 lıft jáne 196 eskalator tirkelgen. ıAǵnı 7 jylǵa jýyq merzimniń ishinde olardyń sany 5,6 esege artyp otyr.