Bıyl «ArMI-2019» oıyndary úsh memlekettiń aýmaǵynda ótedi

ASTANA. QazAqparat - Máskeýde V Halyqaralyq armııa oıyndaryn uıymdastyrý máseleleri boıynsha birinshi josparly konferentsııa ótti. Oǵan QR Qarýly Kúshteri Bas shtaby Jaýyngerlik daıyndyq departamentiniń bastyǵy general-maıora Almas Jumakeev bastaǵan áskerı delegatsııasy  qatysty, dep habarlaıdy QazAqparat.

QR Qorǵanys mınıstrliginiń baspasóz qyzmetinen málim etkendeı, «Patrıot» parkiniń kongress-kórmelik ortalyǵynda ótken konferentsııaǵa Qazaqstan, Ázerbaıjan, Armenııa, Belarýs, Iran, Úndistan, Qytaı, Mońǵolııa, Reseı jáne Ózbekstan elderiniń áskerı vedomstvo delegatsııalary qatysty.

Qatysýshylar oıyn josparyn, konkýrs kezeńderin ótkizýdiń tártibin, aqparattyq jáne materıaldyq-tehnıkalyq máselelerdi, áskerı jáne arnaıy tehnıkalarmen áskerı eshelondarmen shekarany kesip ótý tártibin, sondaı-aq oıyndardaǵy tóreshiler komıssııasy týraly erejeni talqylady.

Eske salaıyq, 2018 jyly Halyqaralyq armııa oıyndary jeti elde - Qazaqstan, Ázerbaıjan, Armenııa, Belarýs, Iran, Qytaı jáne Reseıde ótken edi.  2019 jyly konkýrstardy alǵash ret Úndistan, Mońǵolııa jáne Ózbekstan aýmaǵynda ótkizý josparlanyp otyr.