Bıyl antıkordyń 2 qyzmetkeri jemqorlyǵy úshin sottalyp, beseýi jumystan qýylǵan

NUR-SULTAN. QazAqparat – Bıyl Sybaılas jemqorlyqqa qarsy is-qımyl agenttiginiń 2 qyzmetkeri jemqorlyq úshin sottalyp, bes ókili teris áreketi úshin jumystan bosatylǵan, dep habarlaıdy QazAqparat tilshisi.

Bul jaıynda agenttik tóraǵasy Oljas Bektenov vedomstvonyń alqa otyrysynda aıtty.

«Antıkor qyzmetkerleriniń moraldyq jáne kásibı kelbeti minsiz bolýy kerek. Qoǵam tarapynan synǵa sebep bolmaýy kerek. Qyzmetkerlerdiń zańǵa qaıshy jáne ádepke jat qylyqtary týraly kez kelgen qarama-qaıshylyqtary meniń jeke baqylaýymda bolady», - dedi Oljas Bektenov.

Agenttik málimetinshe, bıyl 2 qyzmetker sybaılas jemqorlyq qylmysy úshin sottalǵan.

Tártiptik jaýapkershilikke tartylǵan 142 qyzmetkerdiń beseýi teris áreketi úshin jumystan bosatylǵan.

«Jaqyn arada agenttik óz qyzmetkerleriniń jemqorlyqqa tózimsizdigin tekserý úshin Integrity Check tetigin pılottyq synaqtan ótkizedi. Biz osy usynystyń bastamashysy retinde synaqty ózimizden bastaımyz. Jańa tásilderdi qoldana otyryp, óz qatarymyzdyń tazalyǵyn qamtamasyz etemiz», - dedi antıkor basshysy.