Bıyl «Altyn belgi» ıegerlerine grant konkýrsynda qandaı basymdyq beriledi

ASTANA. QazAqparat – 2023 jylǵy negizgi UBT qorytyndysyn jarııalaǵan Ǵylym jáne joǵary bilim vıtse-mınıstri Qýanysh Erǵalıev bıyl «Altyn belgi» ıegerlerine grant konkýrsynda qandaı basymdyq beriletinin túsindirdi, dep habarlaıdy QazAqparat tilshisi.

«Bıyl da áleýmettik osal toptarǵa arnalǵan 7 top saqtaldy. Sonymen qatar, byltyrdan bastap aýyl kvotasy da 30 paıyzdan 35 paıyzǵa ulǵaıǵan. Bıyl da 35 paıyz bolady. Byltyrdan beri bedeldi halyqaralyq pán olımpıadalary men jarys, konkýrs júldegerleri memlekettik grantqa UBT tapsyrmaı-aq ıelik etedi. Memlekettik grant konkýrsynda ball sany teń bolyp qalǵan jaǵdaıda «Altyn belgi» ıesine basymdyq beriledi», - dedi ol.

Vıtse-mınıstrdiń sózinshe, bıyl 5812 «Altyn belgi» ıegeri mektep támamdap otyr.

«Áskerı boryshyn ótegenderge qatysty da ózgeristi aıta keteıin. Mundaı balalar UBT-syz, áńgimelesý arqyly aqyly negizde ǵana jáne ýnıversıtetterdiń ishki granttaryna ıe bola alady.

Jyldaǵydaı Bilim berý granttarynyń ıegerleri 10 tamyzǵa deıin jarııalanady», - dedi mınıstrdiń orynbasary.