Bıyl Almatynyń 600 kóshesine jaryq ornatylady

ALMATY. QazAqparat- Almatyda jyldyń sońyna deıin 601 kóshe jaryqtandyrylady. Bul týraly qala ákimi Baqytjan Saǵyntaev turǵyndarǵa esep berý kezdesýinde aıtty, dep habarlaıdy QazAqparat tilshisi.

Turǵyndarmen kezdesý barysynda Jetisý aýdanyndaǵy «Kemel» yqshamaýdanynyń turǵyny jaryqtandyrý máselesi boıynsha atqarylyp jatqan jumysty surady.

«Jaryqtandyrý máselesi boıynsha jumystar jalǵasyn taýyp jatyr. Bizde jaryqtanbaǵan 600-deı kóshe qaldy. Birinshi jarty jyldyqtyń sońyna deıin bul kóshelerdi jaryqtandyramyz. Qarjy bólingen, merdigerler jumysyn atqarýda. Aýdan ákimderi de qadaǵalap otyr», - dedi Baqytjan Saǵyntaev.

2020 jyly qala shetindegi 1 423 kóshe (Alataý, Naýryzbaı, Jetisý, Túrksib) jaryqtandyryldy.

Qalǵan 601 kósheni 2021 jyldyń sońyna deıin jaryqtandyrý josparlanǵan.

Syrtqy jaryq jelilerin modernızatsııalaý qoldanystaǵy energııany tutynatyn turǵyn úı-kommýnaldyq qyzmetterdi (natrıı) shamdaryn energııany únemdeıtin jaryqdıodty shamdarmen aýystyrýdy qamtıdy.

Osynyń arqasynda elektr energııasy 15% únemdeledi.

Elektr energııasynyń úzdiksiz jumysyn qamtamasyz úshin jerasty kabeli tartylady.

«Aýlany jaryqtandyrýǵa qatysty aıtar bolsaq, qazirgi kezde jaýapty basqarma jobalyq-smetalyq qujattamalar ázirleýde, onyń aıasynda jaryqtandyrylmaǵan aýlalar esepke alynady. Qazirgi kezde joba saraptamadan ótip jatyr»,-dedi qala basshysy.