Bıyl Almatyda qansha «Sergek» kamerasy ornatylady

ALMATY. QazAqparat - 2021 jyly Almaty qalasynda «Sergek» apparattyq-baǵdarlamalyq kesheniniń 362 kamerasy ornatylady. Bul týraly Qanat Taımerdenov esep berý jıynynda aıtty, dep habarlaıdy QazAqparat tilshisi.

Almatynyń bas polıtseıi Qanat Taımerdenov onlaın kezdesý barysynda «Sergek» kameralarynyń tıimdiligi týraly aıtty.

« Qazir qala turǵyndary «Sergek» kameralarynyń jol qaýipsizdigine jáne apatyń azaıýyna septigin tıgizetinin túsindi. Bizde qalada 464 «Sergek» kamerasy bar. Bıyl jyl sońyna deıin taǵy 362 post ornatýdy kózdep jatyrmyz. «Sergek» kameralary eń aldymen avtobýs jolaqtary bar kóshelerinde paıda bolady», - dedi departament basshysy Qanat Taımerdenov.

Buǵan deıin, ol bıyl qalada jańa 40 baǵdarsham ornatylatynyn aıtqan bolatyn.