Bıyl Almatyda 7 myńnan astam bala mektep avtobýsymen tasymaldanady

ALMATY. QazAqparat- Almatyda osy jyldyń 1 qyrkúıeginen bastap «Mektep avtobýsy» jobasy iseke qosylady. Bul týraly óńirlik kommýnıkatsııalar qyzmetinde ótken baspasóz máslıhatynda qalalyq bilim basqarmasynyń basshysy Lázzat Jylqybaeva aıtty, dep habarlaıdy QazAqparat tilshisi.

«Budan buryn biz mektepke baratyn joly qıyn 1-11 synyp aralyǵyndaǵy balalardy tasymaldaý qajettiligin taldaǵan bolatynbyz. Jalpy tasymaldaý qajettiligi 12500 balany quraıdy. Búgingi kúni 100 mektep avtobýsyn satyp alyndy. Oldardyń syıymdylyǵy 21 oryndyq 50 avtobýs jáne 40 oryndyq 50 avtobýs»,- dedi ol.
Aıtýynsha, jańa oqý jylynda qalanyń 7 aýdanynan 30 mektepten 7 722 balany tasymaldanady. Ol úshin tasymaldaý qyzmetterine bıýdjette 1,4 mlrd teńge qarastyryldy.Ony «AlmatyElektrotrans» júzege asyratyn bolady.
«1 qyrkúıekten bastap barlyq avtobýs balalardy tıisti qaýipsizdik sharalaryn saqtaı otyryp, bekitilgen marshrýttar boıynsha tasymaldaıdy. «Mektep avtobýsy» jobasyn iske asyrý oqýshylardyń ata-analaryna kómektesýge, mektep jasyndaǵy balalardyń qaýipsizdigin arttyrýǵa jáne jol qozǵalysy trafıgine júktemeni azaıtýǵa múmkindik beredi. Sondaı-aq oqýshylardyń qaýipsizdigi maqsatynda mektep avtobýstarynda 279 beınebaqylaý kamerasy ornatyldy»,- dedi Lázzat Jylqybaeva.