Bıyl Almatyda 30 myńǵa jýyq jumys orny ashyldy
«Bıylǵy 5 aıda megapolıs ekonomıkasy qarqyndy túrde ósti. Qysqa merzimde ekonomıkalyq ındıkator 122,2%-ke deıin, jyldyq ınflıatsııanyń baıaýlaýy aıasynda iskerlik belsendilik ındeksi 58,7% tarmaqqa deıin jedeldedi. Saýda, óńdeý ónerkásibi, kólik pen qoımalaý – ekonomıkalyq ósimniń draıveri boldy», - dedi Erbolat Dosaev elordalyq Ortalyq kommýnıkatsııalar qyzmetinde ótken baspasóz máslıhatynda.
Ákimniń aıtýynsha, esepti kezeńde negizi kapıtalǵa 484 mlrd teńge ınvestıtsııa tartyldy. Bul rette jeke ınvestıtsııalar 2,7%-ke ósken.
«Eńbek naryǵyndaǵy jaǵdaı turaqty. Jyl basynan beri 29 400 jumys orny ashyldy, onyń 60%-y turaqty. 2023 jyldyń qorytyndysy boıynsha qala ekonomıkasynyń ósýi 5-5,5% deńgeıinde bolady dep baǵalap otyrmyz», - dedi E. Dosaev.