Bıyl Almatyda 200 shaqyrym jol jóndeledi

ALMATY. QazAqparat – Almatyda bıyl 200 shaqyrymnan asatyn kóshege - ortasha jóndeý, 350 myń sharshy metrden astam aýmaqqa - aǵymdaǵy jóndeý júrgiziledi, dep habarlaıdy QazAqparat tilshisi.

Almaty ákimdiginiń málimetinshe, bıyl uzyndyǵy 200 shaqyrymnan asatyn 230 kóshe jóndeledi.

Bul maqsatqa qalalyq bıýdjetten 20 mlrd teńge bólindi.

Ortasha jóndeý joldaǵy zaqymdy túzeý, tozǵan joǵarǵy qabattardy qalpyna keltirý boıynsha keshendi jumysty qamtıdy.

«Jumysty merdigerlik uıymdardy anyqtaıtyn konkýrs aıaqtalǵan soń bastalady. Magıstraldyq kóshelerdi ortasha jóndeýdi 27 tamyzǵa deıin aıaqtaý josparlanǵan, al aýdandyq mańyzy bar kósheler 30 qazanǵa deıin jóndeledi. Jumys bastalar aldynda ár kóshe boıynsha jumystyń josparlanǵan merzimi bar tizim jarııalanady», - dep habarlady ákimdikten.

Sonymen qatar, megapolıste usaq zaqymdardyń aldyn alý men shuǵyl túzetýdi kózdeıtin aǵymdaǵy jóndeý jumysy júrgizilmek.

«Onyń aıasynda Almatyda shuńqyrlardy biteý, lıýkterdi kóterý, jaryqtardy jabý, basqa da jumys júrgiziledi. Osy maqsatqa qalalyq bıýdjetten 2,8 mlrd teńge bólindi. Aǵymdaǵy jóndeýmen 350 myń sharshy metrden astam aýmaqty qamtý josparlanǵan, sondaı-aq, 30 shaqyrym trotýar men 40 aıaldama kesheni jóndeledi», - delinedi ákimdik habarlamasynda.