Bıyl Almaty oblysynyń turǵyndary 13 mln teńgege VIP-nómir satyp alǵan
Almaty oblystyq polıtsııa departamenti baspasóz qyzmetiniń málimetinshe, Jetisýdyń kólik ıeleri jyl basynan beri 42 «sándi» nómirge tapsyrys berip, memleket paıdasyna 13 678 324 teńge tólem jasaǵan.
«Ótken jyly el azamattary 15 myńnan astam VIP-nómir satyp alýǵa 4 mlrd teńge jumsasa, Almaty oblysynyń halqy tsıfrlyq serııasy VIP-nómirge jatatyn 550 avtokólik nómirin satyp aldy. Osylaısha memlekettik bıýdjetke jalpy somasy 168 434 175 teńge paıda ákeldi», - delingen vedomstvo taratqan aqparatta.
Óńirdegi polıtsııa departamentiniń aqparatyna sáıkes, VIP-nómirge degen suranys artyp keledi. Ásirese 555, 777, 005 jáne 007 sandarynan quralǵan qymbat nómirlerge tapsyrys kóp túsedi. Jalpy, VIP-nómirlerdi satý 2014 jyldyń qazan aıynan bastap qoldanysqa engizilgen.