Bıyl Aqmolada 424 jas otbasyna arnalǵan 6 turǵyn úı salynady
Jıynda Jastar jyly Aqmola oblysynda birqatar jobalar júzege asyrylatyny aıtyldy. Osy oraıda, memlekettik saıasatty halyqaralyq, respýblıkalyq jəne jergilikti deńgeıde júzege asyrýdyń basty baǵyty men jastardyń jan jaqty damýy týraly Aqmola oblysynyń ishki saıasat basqarmasy jastar saıasaty máseleleri boıynsha bólim basshysy Damır Іrgebaev aıtyp berdi.
Damır Іrgebaev jastardyń əleýmettik máseleleriniń sheshilýi məselesine toqtaldy. Məselen, 2018 jyly tıimdi jumyspen qamtýdy jáne jappaı kəsipkerlikti damytý boıynsha 2017-2021 jyldarǵa arnalǵan baǵdarlamaǵa 5615 adam qatysty. Onyń 2656-sy - aýyldyq jerlerde.
Əleýmettik jumys oryndaryna 168 adam, jastar praktıkasyna - 611 jas jiberildi. Jyl ishinde eńbekpen qamtý organdary arqyly 4830 jas jumysqa ornalasty. Kókshetaý qalasynda «Aqmola jastary» baǵdarlamasy boıynsha 424 jas otbasyna arnalǵan 6 turǵyn úı salynady.
Budan bólek, Zerendi aýdanynda túrkitildes elderdiń kóshbasshy jastarynyń forýmy ótkiziledi. Oblystyq deńgeıde Jastar forýmy, «Tarıhı tulǵalar jolymen» ǵylymı jobalar baıqaýy, «Jas ustaz - el bolashaǵy» jas ustazdar baıqaýy, oblystyń tarıhı-mədenı əleýetimen tanysý boıynsha kıeli jerlerge «Jastar kerýeni» aqparattyq týry, sondaı-aq, jastardyń «Jas sarbaz» əskerı-patrıottyq qozǵalysyn damytý sheńberinde birqatar sharalardy júzege asyrý josparlanǵan.
Sonymen qatar, press-konferentsııada «Dıplommen aýylǵa» baǵdarlamasy boıynsha jas mamandardy aýyldyq jerlerge jumysqa ornalastyrý sóz boldy. Atalmysh baǵdarlamanyń múmkindikteri týraly Zerendi aýdandyq mədenıet úıindegi «Arǵyn» vokaldyq tobynyń jetekshisi Serəli Baltabaı aıtyp berdi.
Al, «Nur Otan» partııasy Aqmola oblystyq fılıalynyń «Jas Otan» jastar qanatynyń tóraǵasy Sultanbek Bekishev aldaǵy jyldyń mindetterine toqtaldy. Aqmola oblysynyń ishki saıasat basqarmasy jastar resýrstyq ortalyǵymen birlesip, turaqty túrde jastardyń usynys tilegi men jobalaryn anyqtaý maqsatynda əleýmettik saýalnama júrgizip otyrady.
Jalpy, 2018 jyldyń qorytyndysy boıynsha, jastar saıasaty salasynda 50 000 adamdy qamtyǵan 600 is-shara uıymdastyryldy. Baıandamashylar atap ótkendeı, Jastar jyly josparlanǵan sharalarǵa jastardy neǵurlym kóp tartý qarastyrylǵan.