Bıyl Aqmola oblysynyń aýyldary men qalalarynda 11 mektep paıdalanýǵa berilmek

KÓKShETAÝ. QazAqparat – Bıyl Aqmola oblysynyń 4 aýylynda salynyp jatqan mektepterdiń qurylysy aıaqtalady, dep habarlaıdy QazAqparat tilshisi.

«Bilim berý salasynda Arshaly aýdanynyń Jibek joly, Sandyqtaý aýdanynyń Petrovka, Tselınograd aýdanynyń Jańa jol jáne Ótemis aýyldarynda, Qosshy jáne Kókshetaý qalalarynda 7 mekteptiń, Aqkól aýdanynyń Aqkól qalasynda salynyp jatqan mektepke qosymshanyń qurylysyn aıaqtaý josparlanyp otyr», - dep jazylǵan oblys ákimdiginiń saıtynda jarııalanǵan jartyjyldyq esepte.

Sondaı-aq, óńir aýmaǵynda «Jaıly mektep» ulttyq jobasy aıasynda 10 mektep salynady.

«Arshaly, Birjan sal, Tselınograd aýdandarynda, Stepnogor, Qosshy, Kókshetaý qalalarynda 7 mektep, sondaı-aq 5 balabaqsha salý jumystary jalǵasyp jatyr. «Jaıly mektep» ulttyq jobasy sheńberinde 10 mekteptiń qurylysyn bastaý kózdelgen. Atap aıtqanda, Tselınograd aýdanynda 8 mektep: Qarajar, Qajymuqan, Qaraótkel, Qabanbaı batyr, Qoıandy, Aqmol aýyldarynda 1 mektepten jáne Talapker aýylynda 2 mektep, Kókshetaý qalasynda 2 mektep», - delingen qujatta.