Bıyl Aqmola oblysynda 17 myńnan astam jańa jumys orny ashylady
Jumyspen qamtý jáne áleýmettik qorǵaý salasyndaǵy negizgi jumys jumyssyzdyq deńgeıin tómendetýge, jumyssyz azamattardy jumysqa ornalastyrýǵa, nátıjeli jumyspen qamtýdy damytýǵa, sondaı-aq halyqtyń áleýmettik osal toptaryn qoldaýǵa baǵyttalǵan.
Ótken jyly Jumyspen qamtýdyń 2020-2021 jyldarǵa arnalǵan Jol kartasyn iske asyrý jalǵastyryldy, ol jumyspen qamtýdy qamtamasyz etýge, qosymsha jumys oryndaryn qurýǵa jáne azamattardyń tabysyn arttyrý.
Jumyspen qamtýdyń jol kartasy aıasynda Tselınograd aýdany Tóńkeris aýylyndaǵy 110 oryndyq modýldik mektep satyp alyndy. Budan basqa, 3 myń oryndyq 4 mekteptiń, 2 balabaqshanyń, kolledj stýdentterine arnalǵan 3 jataqhananyń, HQKO ákimshilik ǵımaratynyń qurylysy boıynsha 10 joba iske asyryldy. Atalǵan nysandardyń qurylysyn aıaqtaý 2022 jylǵa josparlanyp otyr. Sondaı-aq 377 ýaqytsha jumys orny quryldy.
«Halyqty jumyspen qamtý jáne áleýmettik qorǵaý salasyndaǵy 2022 jylǵa arnalǵan negizgi mindetter belgilendi. Naqtyraq aıtsaq, 17 myńnan astam jańa jumys ornyn, onyń ishinde 8 myńnan astam turaqty jumys oryndaryn qurý esebinen jumyssyzdyq deńgeıin tómendetý josparlanǵan. Sonymen birge, jumyssyz halyqty, onyń ishinde jastardy nátıjeli jumyspen qamtýdy damytý sheńberinde Jumyspen qamtýdyń belsendi sharalaryna tartý kózdelgen. Budan bólek, 2020-2021 jyldarǵa arnalǵan Jumyspen qamtý jol kartasynyń 10 ótpeli jobasyn ýaqtyly iske asyrý, az qamtylǵan jáne kóp balaly otbasylarǵa, sondaı-aq múmkindigi shekteýli adamdarǵa qoldaý kórsetý jáne áleýmettik kómek kórsetý boıynsha ýaqtyly jumys júrgizý mindetteri bar», - dep atap ótti Aqmola oblystyq jumyspen qamtýdy jáne áleýmettik baǵdarlamalardy úılestirý basqarmasynyń bólim basshysy Azamat Janbetalın.