Bıyl ákimderdiń bilim granttary beriledi - mınıstr Saǵadıev

ASTANA. QazAqparat - 10 tamyzǵa deıin ulttyq biryńǵaı testileý men keshendi testileýdi tapsyryp shyqqandar arasynda memlekettik bilim granttaryn taǵaıyndaý sharalary júrgiziledi, dep xabarlaıdy QazAqparat tilshisi.

QR Bilim jáne ǵylym mınıstri Erlan Saǵadıevtiń aıtýynsha, aǵymdaǵy jylda granttardyń sany artyp otyr. "Bakalavrıatta 6 myńǵa, magıstratýrada 2,5 myńǵa, al doktorantýra boıynsha beriletin memlekettik granttar eki esege artady. Budan bólek, bıyl alǵash ret jergilikti bılik organdarynyń granttary taǵaıyndalady", - deıdi Saǵadıev.

Aıta keteıik, Úkimettiń búgingi otyrysynda mınıstr Saǵadıev jańa formattaǵy ulttyq biryńǵaı testileýdiń nátıjesin jarııalady. Onyń aıtýynsha, 14 myń mektep túlegi testti tapsyra almady.