Bıyl aǵashtardy zańsyz kesken qazaqstandyqtar 90 mln teńge aıyppul tóleıdi

NUR-SULTAN. QazAqparat – Jyl basynan beri Qazaqstanda aǵashtardy zańsyz kesý faktisi boıynsha 44 is sotqa jiberildi. Bul týraly QR Ekologııa, geologııa jáne tabıǵı resýrstar mınıstri Serikqalı Brekeshev aıtyp berdi, dep habarlaıdy QazAqparat tilshisi.

«Aǵashtardy zańsyz kesý máselesi bizdi qatty alańdatady. Árıne, biz túrli sharalar jasap jatyrmyz. Jyl basynan beri biz sottarǵa 44 isti, quqyq qorǵaý organdaryna 113 isti jiberdik. Keltirilgen zalaldy óteý úshin 90 mln teńge talap qoıyldy. Sonymen qatar, biz zańbuzýshylarǵa qatysty zańnama talaptaryn kúsheıtý jumystaryn júrgizip jatyrmyz», - dedi mınıstr Ortalyq kommýnıkatsııalar qyzmetinde ótken brıfıngte.

Onyń aıtýynsha, 2021 jylǵy qańtardan bastap qoldanystaǵy zańnamada tártip buzýshylarǵa sanktsııalar qatańdatyldy. Zańsyz aǵash keskeni úshin aıyppuldy bes ese ulǵaıtý kózdelgen, ıaǵnı buryn aıyppul 100-den 200 AEK-ke deıin bolsa, qazir bul soma bes ese ulǵaıtylǵan. Qyzyl kitapqa engizilgen aǵashtardy zańsyz kesý jazasyn da qatańdatý qarastyrylǵan.