Bıyl Ádilet mınıstrligine saıası partııa qurýǵa qansha ótinim kelip tústi
Búgin Ortalyq kommýnıkatsııalar qyzmetindegi baspasóz máslıhatynda saıası partııalardy qurýǵa ótinim bergenderdi tirkeýge qatysty suraq qoıyldy.
Sońǵy aılarda birneshe ótinim kelip túskenine toqtalǵan mınıstr, «Halyq derbestigi» boıynsha ótinim qabyldandy, keıinnen bastamashy top sezd ótkizbek boldy. Degenmen olar qujattardy keıbir kemshiliktermen, ıaǵnı zańnamaǵa sáıkes kelmeıtin tártipte engizdi. Al qalǵan bastamashy toptar bastapqy ótinimdi quqyqtyq kemshiliktermen engizdi. Sondyqtan olar tirkelmedi», - dedi.
Keıinnen Ádilet mınıstrliginiń baspasóz qyzmeti 2021 jyldyń basynan birlestikterden tek eki ótinim kelip túskenin naqtylady.
M. Beketaev saıası partııalardy qurý týraly ótinimge vedomstvo jaýap bergen kezde bastamashy toptardyń naqty qatelikteri kórsetiletinin aıtty.
«Kóbine tizimde Qazaqstan azamaty emes adamdardyń jeke málimetteri ótkizilip jatady. Sonymen qatar, zańnama boıynsha saıası partııa qurýǵa bastamashylyq jasaı almaıtyn azamattar anyqtalyp jatady nemese qaıtys bolǵan adamdardyń málimetteri kezdesedi. ıAǵnı bul jıi kezdesetin jaǵdaılar», - dedi mınıstr.