Bıyl Abaı oblysynda 343,1 myń sharshy metr turǵyn úı paıdalanýǵa berilmek

SEMEI. QazAqparat – Bıyl jyl sońyna deıin Abaı oblysynda 343,1 myń sharshy metr turǵyn úı paıdalanýǵa beriledi. Bul týraly óńirdiń qurylys, sáýlet jáne qala qurylysy basqarmasynyń basshysy Aıdyn Qýatjanuly málim etti, dep habarlaıdy QazAqparat tilshisi.

«Bıyl barlyq qarjylandyrý esebinen oblysta 450,270 myń sharshy metr turǵyn úı qurylysy júrgiziledi. Onyń ishinde kóp páterli úı 324,200 myń sharshy metr nemese 3 683 páter. Al jeke turǵyn úı qurylysy boıynsha 126,070 sharshy metr nemese 1 170 páter salynady», - dep josparlarmen bólisti basqarma basshysy.

Aıdyn Qýatjanulynyń sózinshe, bıyl jyl sońyna deıin oblysta 343,1 myń sharshy metr turǵyn úı paıdalanýǵa beriledi.

«Semeı qalasynda ótken jyly qurylysy bastalǵan 18 nesıeli turǵyn úı qurylysy búginde jalǵasyn tabady. Osy jyly Semeı, Aıagóz, Kýrchatov qalalarynda 22 nesıeli úıdiń qurylysy jáne qalalyq ınvestorlar qarjylandyratyn kommertsııalyq 26 kóp qabatty úıler jańadan bastalady.

Bıyl jyl sońyna deıin oblysta 343,1 myń sharshy metr turǵyn úıdi paıdalanýǵa berý josparda bar», - dedi Aıdyn Qýatjanuly.

Qosa ketsek, bul ýaqytqa deıin Semeı qalasynda 150 oryndyq ońaltý ortalyǵy men Úrjar aýdanynda dárigerlik ambýlatorııa boı kóteretinin jazyp edik.