Bıyl 9 halyqaralyq baǵyt boıynsha reıster ashylmaq

ASTANA. QazAqparat – Bıyl shetel qalalaryna 9-dan astam baǵyt boıynsha reıster ashylmaq. Bul týraly QR Indýstrııa jáne ınfraqurylymdyq damý vıtse-mınıstri Almaz Ydyrysov aıtty, dep habarlaıdy QazAqparat tilshisi.

«Qazirgi ýaqytta áýe kóligindegi jolaýshylar aǵyny (koronavırýs pandemııasynyn keıin) qalpyna keldi jáne osy baǵytta turaqty ósim baıqalyp otyr. 2022 jyly 11 mln jolaýshy tasymaldanyp, bul kórsetkish onyń aldyndaǵy jyldyń deńgeıinen 17 paıyzǵa artyq (9,4 mln jolaýshy). Halyqaralyq reıster 28 memleketpen arada aptasyna 477 reıs jıiligimen 104 áýe baǵdary boıynsha oryndalady. Áýe saparlaryn kóbeıtý turǵysynda tıisti qadamdar iske asyrylyp, «ashyq aspan» rejımi engizildi», - dedi A. Ydyrysov Senatta elimizdegi áýe kóligi máselelerine qatysty jıyn barysynda.

Onyń aıtýynsha, bıyl 9-dan astam baǵyt boıynsha reıster ashylmaq. Osy oraıda Maskat, Parıj, Kýala-Lýmpýr, Tel-Avıv, Karachı, Lahor, Samarqand, Praga, Mýmbaı sekildi qalalar qamtylmaq.

Budan buryn habarlanǵandaı, birqatar sheteldik avıakompanııalar da Qazaqstanmen áýe qatynasyn jolǵa qoıýdy josparlap otyr.