Bıyl 730 shaqyrym temirjol jóndeledi

NUR-SULTAN. QazAqparat - 2019 jyly shamamen 730 km temirjol tósenishi jóndeledi, dep habarlaıdy QazAqparat «QTJ» AQ-nyń baspasóz qyzmetine silteme jasap.

«Qazirgi tańda Qazaly, Beskól, Jańarqa jáne Mańǵystaý jol dıstantsııalary ýchaskelerinde kúrdeli jóndeý júrgizilýde. Qaraǵandy, Shý, Jambyl jáne Arys jol dıstantsııasy ýchaskelerinde kúsheıtilgen ortasha jol jóndeý jumystary júzege asyrylýda», delingen habarlamada.

Jumysqa zamanaýı jol tehnıkalary tartylǵan.

Búgingi tańda shamamen 17 km jol kúrdeli, al 9 km astam jol kúsheıtilgen ortasha jóndeýden ótkizildi. RM shaǵyltastardy tazartýshy mashınalarymen 32,775 km kólemindegi jumystar oryndaldy.

Tolyqtaı alǵanda, 2019 jyly 730 km astam joldy saýyqtyrý, sonyń ishinde shamamen 400 km kúrdeli, al 200 baǵyttamaly burma jóndeýmen qamtylady. Sondaı-aq qoldan jasalǵan qurylǵylardy aǵymdaǵy, al Semeı - Jańa - Semeı ýchaskesindegi temir kópirdi kúrdeli jóndeý josparlanýda.