Bıyl 65 taýarly sút fermasynyń qurylysy qarjylandyrylady
«Aýyldyq aýmaqtardy damytýdyń 2027 jylǵa deıingi tujyrymdamasynda aýylda jańa jumys oryndaryn qurý arqyly aýyl halqynyń tabysyn arttyrýǵa yqpal etetin 2 baǵytqa basa nazar aýdardyq. Birinshi - aýyl sharýashylyǵy kooperatsııasy arqyly aýyl halqynyń tabysyn arttyrý jónindegi «Aýyl amanaty» jobasyn masshtabtaý. Joba senim bildirgen ókil arqyly syıaqy mólsherlemesi 2,5 paıyzdan aspaıtyn jáne 7 jylǵa deıingi uzaq merzimdi shaǵyn mıkrokredıtter berýdi kózdeıdi. Bıyl osy jobany iske asyrýǵa 100 mlrd teńge bólindi. Nátıjesinde 17 myń mıkrokredıt berý josparlanýda. Bul shamamen 18 myń jumys ornyn qurýǵa múmkindik beredi», - dedi vıtse-mınıstr.
Onyń atap ótýinshe, atalǵan baǵytta aýyl sharýashylyǵy kooperatsııasyn damytý mańyzdy baǵyt sanalady.
Osy joba aıasynda aýyl sharýashylyǵy kooperatıvterin damytý úshin nesıe alý kózdelgen.
Bul aýyl sharýashylyǵy tehnıkasyn, qajetti jabdyqtardy satyp alýǵa jáne ósimdik jáne mal sharýashylyǵy ónimderin qaıta óńdeý boıynsha shaǵyn tsehtar ashýǵa yqpal etedi.
«Ekinshi - ımportqa táýeldi aýyl sharýashylyǵy ónimderin óndirýdi ulǵaıtýǵa jáne aýylda jyl boıy jumyspen qamtýǵa múmkindik beretin agroónerkásiptik keshen salasyndaǵy iri agroónerkásiptik ınvestıtsııalyq jobalardy iske asyrý boıynsha Soltústik Qazaqstan oblysynyń tabysty tájirbıesin tırajdaý. Osy jyly oblys ákimdikterine 100 mlrd teńge somasyna qaıtarymdy bıýdjettik kredıtter bólindi. Sonyń esebinen jalpy qýattylyǵy 373 myń tonna bolatyn 65 taýarly-sút fermasynyń qurylysy qarjylandyrylady. Osy is-sharany tabysty iske asyrý úshin ákimdiktermen senim bildirilgen agent retinde óńirlik damý ınstıtýttarynyń atynan áleýmettik-kásipkerlik korporatsııalardyń áleýetin iske qosý josparlanýda», - dedi Rústem Qurmanov.