Bıyl 58 bala ómirin sýıtsıdpen aıaqtady - mınıstr Turǵymbaev

NUR-SULTAN. QazAqparat - Bıyl elimizde 58 bala ózine qol jumsap, qaza tapty. Bul týraly búgin QR Іshki ister mınıstri Erlan Turǵymbaev Ortalyq kommýnıkatsııalar qyzmetinde ótken halyqpen onlaın kezdesýinde aıtty, dep habarlaıdy QazAqparat tilshisi.

«Jasóspirimder arasyndaǵy sýıtsıd taǵy bir ózekti problema bolyp tur. Jyl basynan beri 58 bala óz-ózine qol jumsap ómirden ótti jáne 137 bala sýıtsıd jasaýǵa tyrysty. Buǵan qosa, jasóspirimder arasyndaǵy barlyq sýıtsıdtiń jartysy tótenshe jaǵdaı kezeńinde oryn alǵan. ıAǵnı, olardyń sebebi negizinen, otbasylyq problemamen baılanysty bolyp otyr», - dedi Erlan Turǵymbaev.

Osy oraıda ol qazirgi ýaqytta áleýmettik jelide balalar quqyǵyn qorǵaý máselesi óte jıi kóteriletindigin, alaıda, qur urannan ary aspaı otyrǵandyǵyn basa aıtty.

«Búgingi múmkinshilikti paıdalana otyryp, qoǵamdyq qozǵalystardy, úkimettik emes uıymdardy ósip kele jatqan býynymyzdyń qorǵalýyn qamtamasy etý, otbasy ınstıtýtynyń rólin arttyrý úshin kúsh biriktirýge shaqyramyn», - dedi mınıstr.