Bıyl 576 aýylda 1 100-den asa joba júzege asyrylady – Ulttyq ekonomıka mınıstrligi

NUR-SULTAN. QazAqparat - Bıyl damý áleýeti bar 576 aýylda 1100-den asa joba iske asady. Eldi mekenderde áleýmettik nysandar boı kóteredi, eskileri jóndeledi. Sonymen qatar, aýyl ishindegi joldardy qalypqa keltirý kózdelgen.

QR Ulttyq ekonomıka mınıstrliginiń baspasóz qyzmeti taratqan aqparattarǵa qaraǵanda, elde «Aýyl - El besigi» baǵdarlamasy sheńberinde 3,5 myńnan astam aýyl iriktelgen.

Aýqymdy is-sharalar «Qýatty óńirler – el damýynyń draıveri» ulttyq jobasy aıasynda qolǵa alynyp otyr.

Sonymen qatar, jas mamandardy aýylǵa tartý jumystary da jalǵasady. Baspana alý men salý úshin de bıýdjettik nesıe qarastyrylǵan.

«Dıplommen aýylǵa» jobasy júzege asyrylýda. Bıyl osy joba boıynsha respýblıkalyq bıýdjetten 20 mlrd teńge bólindi. Jyldyń sońyna deıin 4300 jas mamandy aýyldyq eldi mekenge tartý josparlanǵan»,-deıdi QR Ulttyq ekonomıka mınıstrligi Óńirlik damý departamenti dırektorynyń orynbasary Nurlan Maqsutov.