Bıyl 53 aýylda 30 mlrd teńgeniń 454 jobasy júzege asyrylady
«Memleket basshysy Qasym-Jomart Toqaev Joldaýynda aǵymdaǵy kezeńge arnalǵan saıası, áleýmettik jáne ekonomıkalyq reformalarǵa qatysty óziniń paıymyn naqtylaı tústi. Prezıdent eldiń qoǵamdyq-saıası ómirin jańǵyrtpaı tabysty ekonomıkalyq reformalar júrgizý múmkin emestigine nazar aýdartty. Saıası júıeniń «Myqty Prezıdent, yqpaldy Parlament jáne esep beretin Úkimet» formýlasy memleket turaqtylyǵynyń negizi. Sonymen qatar Prezıdenttiń «estıtin memleket» tujyrymdamasyn jalpymemlekettik mindetterdi talqylaý jáne sheshý úshin azamattyq qoǵam men bıliktiń turaqty dıalogyn ómirge engizý mindetterine de qoldaý bildiremiz», - dedi ol.
Onyń atap ótýinshe, Prezıdent óz Joldaýynda aýyldardy jáne agroónerkásip keshenin damytý máselesine de jiti nazar aýdardy.
«Memleket basshysy Qazaqstannyń negizgi resýrsy sanalatyn aýyl sharýashylyǵy ázirshe tolyq kólemde paıdalanylmaı otyrǵandyǵyn aıtty. Agroónerkásip kesheni ónimdiligin arttyrý úshin organıkalyq jer sharýashylyǵyn damytý, sýarmalary jerlerdiń kólemin arttyrý jáne kádege jaratylmaı jatqan jerlerdi ıelerinen qaıtaryp alý týraly tapsyrma berdi. «Aýyl - el besigi» arnaıy jobasyn júzege asyrý jumystaryn kúsheıtýdi tapsyrdy»,- dedi Saltanat Raqymbekova.
Koalıtsııa basshysynyń dereginshe, 2019-2021 jyldarǵa arnalǵan baǵdarlama aıasynda 1 500 eldi mekenge 90 mlrd teńge qarastyrylǵan. Sonymen qatar jergilikti ákimdikterge de «Aýyl - el besigi» jobasyn qosymsha qarjylandyrý múmkinshiligin qarastyrý mindeti júktelip otyr.
«Jalpy, 2019 jyly 53 aýylda 30 mlrd teńgeniń 454 jobasyn júzege asyrý josparlanǵan. Onyń ishinde 247 shara kólik ınfraqurylymyn, 135 shara áleýmettik ınfraquyrylmdardy jáne 72 shara turǵyn úı kommýnaldyq sharýashylyǵyn damytýdy kózdeıdi. Qarjylandyrý kólemi bir aýdan ortalyǵy úshin ortasha eseppen 670 mln teńgeden astam qarajatty quraıdy. Arnaıy jobany júzege asyrý barysynda Parlament pen máslıhat depýtattarynyń, qoǵam qaıratkerlerleriniń, ÚEU men BAQ ókilderiniń qatysýymen jobany qoǵamdyq monıtorıngleýdi uıymdastyrýdy usynamyz», - dedi S.Raqymbekova.