Bıyl 528 shaqyrym jol paıdalanýǵa beriledi
«Nurly jol» memlekettik baǵdarlamasyn iske asyrýǵa bıyl barlyq qarjylandyrý kózderinen shamamen 792 mlrd teńge bólingen. Aǵymdaǵy jyldyń 1 qarashasyndaǵy jaǵdaı boıynsha, 411 mlrd teńge nemese sonyń 52 paıyzy ıgerildi. Respýblıkalyq bıýdjetten 439 mlrd teńge qarastyrylǵan, onyń 335 mlrd teńgesi nemese 76 paıyzy ıgerildi. Igerý qarjylandyrý josparyna sáıkes júrip jatyr»,- dedi ol.
Onyń sózine qaraǵanda, kólik ınfraqurylymyn damytý boıynsha 25 avtojol jobasy iske asyrylyp jatyr. Jalpy 4,6 myń shaqyrym jol qurylyspen jáne qaıta jańǵyrtýmen qamtylǵan. Jyl qorytyndysynda 528 shaqyrym paıdalanýǵa berý josparlanǵan. Búgingi kúni 805 shaqyrym temirjolǵa kúrdeli jóndeý júrgizildi.
«KEGOC» AQ óz qarajaty men qaryz esebinen «500 kV Shúlbi JES (Semeı) - Aqtoǵaı - Taldyqorǵan - Alma» jobasynyń ekinshi kezeńin júzege asyryp jatyr. Aǵymdaǵy jyldyń sońyna deıin joba tolyq aıaqtalady», - dedi birinshi vıtse-mınıstr.
Sonymen qatar, ol turǵyn úı-kommýnaldyq sharýashylyǵyn jańǵyrtý máselelerine de toqtaldy.
«Aǵymdaǵy jyldyń 1 qarashasyndaǵy jaǵdaıǵa sáıkes, jergilikti atqarýshy organdar qarjylandyrý josparyna saı tabıǵı monopolııalar sýbektilerine 35,2 mlrd teńge mólsherinde bıýdjettik kredıt berdi. Bul qarjylandyrý josparynyń 100 paıyzyn quraıdy. Tabıǵı monopolııalar sýbektileri 17,5 mlrd teńgeni ıgerdi. 2018-2019 jyldarǵa josparlanǵan 290,6 shaqyrym jelilerdiń 118,4 shaqyrymy salyndy», - dedi Rýslan Dálenov.