Bıyl 516 prokýror 830 myń qylmystyq istiń tergelýine qadaǵalaý júrgizdi

ASTANA. QazAqparat - Bıyl 516 prokýror 830 myń qylmystyq istiń tergelýine qadaǵalaý júrgizdi. Bul týraly búgin QR Bas prokýrorynyń orynbasary Nurmuhambet Isaev málim etti.

«Men búgin qylmystyq ister boıynsha sotqa deıingi óndiris zańdylyǵyn qadaǵalaý máselesin qozǵaǵym keledi. Atalǵan baǵyttaǵy qadaǵalaýdy elimiz boıynsha barlyǵy 516 prokýror júzege asyrady. Olar 830 myń qylmystyq istiń tergelýine qadaǵalaý jasap, olardyń 60 myńǵa jýyǵyn sotqa joldady», - dedi Bas prokýrordyń orynbasary. Onyń sózine qaraǵanda, 1 jyldyń ishinde 516 prokýror 120 myń ótinishti qarap shyqqan. «Demek, árbir prokýrorǵa orta eseppen 1600-ge jýyq isten jáne 230-dan astam ótinishten keledi», - dedi N.Isaev.