Bıyl 5 aıda 4 mln sharshy metr turǵyn úı paıdalanýǵa berildi - Q.Bıshimbaev
«Bizdiń mınıstrlik aınalysatyn baǵyttardyń biri - turǵyn úı qurylysy men turǵyn úı sharýashylyq qyzmeti. 2015 jyly «Nurly jol» baǵdarlamasyn, Indýstrıalandyrý kartasyn, turǵyn úı qurylysyn damytý baǵdarlamasyn júzege asyrý arqyly QR-da turǵyn úı qurylysynyń qarqyny 2015 jyldyń qorytyndysy boıynsha 4,5%-ǵa ósti», - dedi Q.Bıshimbaev.
Jalpy, mınıstr aıtyp ótkendeı, 2015 jyly barlyq qarjylandyrý kózderi arqyly 2 mln-nan kóp ıaǵnı 8,9 mln sharshy metr úı salyndy.
«Nurly jol» arnaıy baǵdarlamasy aıasynda paıdalanýǵa 7,23 myń páterlik 427,5 myń sharshy metr turǵyn úı paıdalanýǵa berildi», - dedi ol.
Oǵan qosa, UEM basshysy 2016 jyldyń 5 aıynda Qazaqstanda 4 mln sharshy metr turǵyn úı paıdalanýǵa berlgenin, bul kórsetkish ótken jyldyń osy kezeńimen salystyrǵanda 20%-ǵa joǵary ekenin aıtty.
«Osylaısha, 34 myńnan astam otbasy ózderiniń turǵyn úı jaǵdaılaryn jaqsartty», - dedi mınıstr.
Vedomstvo basshysynyń aıtýynsha, jalpy «Nurly jolmen» qatar ákimdikter turǵyn úı qurylysyn júrgizip jatyr. Olar nesıelik turǵyn úı jelisi boıynsha salynýda.
«2015 jyly bastalǵan qurylystardy aıaqtaý úshin respýblıkalyq bıýdjetten 10,2 mlrd teńge qarastyryldy. Jyldyń sońyna deıin ákimdikter jelisi boıynsha 194 myń sharshy metr turǵyn úı nemese 2,6 myń páter paıdalanýǵa beriletin bolady», - dep habarlady ol.
Budan bólek, Q.Bıshimbaev «Báıterek» holdıngi arqyly 2016 jyldyń qoljetimdi jáne jaldyq turǵyn qurylysyna óte úlken somada qarjy bólingenin atap ótti.
«2016 jylǵa 22,5 mlrd teńge bólindi. Bul qarjyǵa 2016 jyldyń qortyndysynda qosymsha 371,9 myń sharshy metr turǵyn úı beriledi. Bul 6,5 myń qazaqstandyq otbasynyń jaldyq jáne nesıelik turǵyn úıge qol jetkizetinin kórsetedi. Qazirgi ýaqytta 26 myń sharshy metr berildi, jyl sońyna deıin barlyq jumystar aıaqtalady», - dep túıindedi ol.