Bıyl 4 myńǵa jýyq jetim bala jazǵy lagerde demalady

ASTANA. QazAqparat - «Baldáýren» respýblıkalyq oqý-saýyqtyrý ortalyǵynda búginde jetim jáne ata-ana qamqorlyǵynsyz qalǵan 40-tan astam bala demalyp jatyr, dep habarlaıdy QazAqparat.

Olar qoǵam qaıratkerlerimen jáne balalar úıiniń tabysty túlekterimen kezdesip, óz armandarymen bólisip, mekteptegi jetistikteri jáne búgingi sheberlik saǵatynan alǵan áseri týraly áńgimeledi.

Pedagogıka, qoǵamdyq jáne memlekettik qyzmet salalarynda eńbek etip júrgen túlekter maqsatqa jetý jolyndaǵy jeke tájirıbesi týraly áńgimelep, bolashaqqa senimmen qaraý kerektigin aıtty.

Óz qabiletine senimdi bolyp, qıyndyqtan qoryqpaýǵa shaqyrdy.

Sonymen qatar balalarǵa fýtbol, boks, mobılografııa, shahmat jáne qoldanbaly óner boıynsha sheberlik sabaǵy uıymdastyryldy.

«Oqjetpes» fýtbol komandasynyń oıynshylary men jattyqtyrýshylary balalarmen jattyǵý jasap, fýtboldyń qyr-syryn kórsetti.

Komandalar joldastyq match ótkizdi.

Qazaq ulttyq óner ýnıversıtetiniń oqytýshylary sezimdi qylqalam kómegimen qaǵaz betine túsirý joldaryn túsindirse, bokstan halyqaralyq sport sheberi sheberlik-saǵat ótkizdi.

Shahmattan halyqaralyq grossmeıster balalarǵa shahmat oıyndarynyń erejelerin tanystyrdy.

Master-klass sońynda balalarǵa estelik syılyqtar tabystaldy.

Aıta keteıik, elimizde jazǵy saýyqtyrý demalysymen 4 myńǵa jýyq jetim jáne ata-anasynyń qamqorlyǵynsyz qalǵan bala qamtylǵan.

Jyl saıyn jetim jáne ata-ana qamqorlyǵynsyz qalǵan 14 myńnan astam oqýshy tegin ystyq tamaq, mektep formasy, keńse taýarymen qamtylady.

Sonymen qatar Abaı oblysynyń 6 balasy balalar saýyqtyrý ortalyqtarynda tegin demalyp, olarǵa 500 myń teńge kóleminde birjolǵy kómek kórsetiledi.