Bıyl 4 myńǵa jýyq shetel azamatyna Qazaqstanda jumys isteýge ruqsat berildi

ASTANA. QazAqparat – Bıyl Qazaqstanda shetel eńbek mıgranttaryna 22 260 kvota bólindi. Tolyǵyraq Eńbek jáne halyqty áleýmettik qorǵaý mınıstrligi kóshi-qon komıteti tóraǵasynyń mindetin atqarýshy Іlııas Ispanov aıtyp berdi, dep habarlaıdy QazAqparat tilshisi.

«Shetelden keletin eńbek mıgranttaryn esepke alý, olardy retteý jáne zańdastyrý bizdiń quzyretimizge kiredi. Syrttan eńbek mıgranttaryn tartý naryqtyń suranysyna qaraı aıqyndalady. Bıyl shetelden eńbek mıgranttaryna 22 260 kvota bólindi. Atalǵan shara otandyq eńbek naryǵynyń suranysyn qamtýmen qatar, zańsyz eńbek mıgrantyn shekteý amaldarynyń biri. Sheteldikter kvota arqyly elde jumys isteı alady, ıaǵnı ruqsatpen. Bıyl 1 sáýirdegi jaǵdaıǵa sáıkes elimizde 14 417 shetel azamaty jumys istep jatyr. Onyń ishinde bıyl 3790 sheteldik Qazaqstanda eńbek etýge ruqsat aldy», - dedi Іlııas Ispanov ortalyq kommýnıkatsııalar qyzmeti alańynda ótken baspasóz máslıhatynda.

Spıker keltirgen málimetke sáıkes, búginde elimizde jumys berýshi 1693 jumys kúshin paıdalanyp otyr. Onda 407 myńnan astam shetel azamaty jumys isteıdi.

«Sheteldik eńbek mıgratsııasynyń úlesi 4 paıyzdan aspaıdy. Qalǵany - otandyq eńbek kúshi», - deıdi ol.